BŞ Donald Tramp bəyan edib ki, əgər "əhəmiyyətli dəyişikliklər" aparılmasa ABŞ İranla əldə edilmiş nüvə müqaviləsindən çıxa bilər. 

Bu barədə "Axios" İsrail rejimindəki səlahiyyətlilərə istinadən bildirilir.

Onların sözlərinə görə, 5 martda Tramp İsrail baş naziri Binyamin Netanyahu ilə görüşü zamanı bildirib ki, Böyük Britaniya, Fransa və Almaniya "yalnız kosmetik dəyişikliklər" təklif edib və o da bunu "qənaətbəxş" hesab etmir.

Mənbə bildirir ki, Tramp müqavilənin özündə "əhəmiyyətli dəyişikliklər" tələb edir, , ABŞ və Avropa ölkələri arasında əlavə razılaşmalar istəmir.

Nəşr yazır: "Tramp vurğulayıb ki, tələblər yerinə yetirilməsə, ABŞ müqavilədən imtina edəcək".

Qəzetin məlumatına görə, Tramp son müddət kimi 12 may tarixini qeyd edib.

Qeyd edək ki, bundan əvvəl də vitse-prezident Mayk Pens bəyan etmişdi ki, əgər yaxın zamanlarda İranla nüvə müqaviləsinə yenidən baxılmasa, ABŞ geri çəkiləcək.