Rusiyada prezidentliyə namizədlər Kseniya Sobçak və Vladimir Juriniovski arasında növbəti qalmaqal "Rosiya1" kanalının canlı efirində baş verib. Jirinovski digər debatlarda olduğu kimi bu dəfə Sobçakın əleyhinə danışıb və onun üçün ayrılmış vaxta müdaxilə edib.

Rusiyada prezidentliyə yeganə qadın namizəd olan Kseniya Sobçak isə bütün bunlara dözməyərək göz yaşlarını saxlaya bilməyib: "O, yalnız mənim çıxışıma müdaxilə edir. O, daima mənim ünvanıma təhqiramiz ifadələr işlədir, məni fahişə və murdar ifritə adlandırır. Siz bu adama imkan verirsiniz ki, mənə qarşı bütün bunlar baş versin".

Vladimir Jirinovski isə dünənki efir zamanı Kseniya Sobçakın ağlamasına münasibət bildirərkən deyib ki, siyasətçi sərt qaydalara hazır olmalıdır: "Əgər rus siyasətçi sərt qaydalara hazır deyilsə, onda siyasi karyeraya başlamasa daha yaxşıdır. Ən yaxşısı jurnalist kimi suallar vermək və əyləncəli şoularda çəkilməkdir.Orada heç kimin xətrinə dəymirlər".