Myanmanın Milli Qanunverici Məclisi çərşənbə günü  səsvermə yolu ilə Parlamentin Aşağı Palatasının sabiq spikeri və hakim Demokratiya Uğrunda Milli Liqanın (DUML) nümayəndəsi 66 yaşlı Vin Myini ölkənin yeni prezidenti seçib. 

Onun namizədliyini 636 deputatın əksəriyyəti təsiqləyib.

Qeyd edək ki, cari şəraitdə Myanmada prezidentin rolu mərasim xarakteri daşıyır. Əsas hakimiyyət DUML lideri Aun San Su Çjidədir. Onun prezident olmağa ixtiyarı yoxdur. Myanmada ali dövlət vəzifəsinə digər dövlətlərdən qohumları olanlar namizədliklərini irəli sürə bilməzlər. Aun San Su Çji britaniyalı alimin dul qalmış arvadıdır, iki oğlu isə Birləşmiş Krallığın vətəndaşıdır və Londonda yaşayırlar

Eyni zamanda ekspertlər hesab edirlər ki, təcrübəli yurist olan  Vin Myin Aun San Su Çjinin yaxın dostu kimi onu bir sıra bürokratik prosedurlardan azad edə bilər.

Qeyd edək ki, martın 21-də Txin Çji istefaya getdiklən sonra  yeni prezident seçkiləri təyin olunmuşdu. Son bir neçə ayda xarici KİV-lər 71 yaşlı sabiq prezidentin ağır xəstəliyi barədə məlumatlar yaymışdılar. O, Bankonq və Sinqapurda bağırsaq xərçəngindən müalicə alır