Rusiyanın Dövlət Təhlükəsizlik Xidmətinin sabiq polkovniki Sergey Skripalın Böyük Britaniyanın Solsberi şəhərində zəhərlənməsində əsas məqsəd NATO-nun birliyinə nifaq salmaq olub. "Associated Press"ə istinadən  məlumata görə, bu fikri ABŞ-ın müdafiə naziri Ceyms Mettis bildirib.
 
"Ruslar o şeyi edirlər ki, onların fikrincə sonradan onu təkzib etmək mümkün olsun. Beləliklə onlar NATO-nun birliyini dağıtmağa çalışırlar. Rusiya məsuliyyətsiz fəaliyyətə gətirəcək rəqabət yolunu seçib",-deyə Pentaqon rəhbəri əlavə edib.
 
Qeyd edək ki, NATO-nun baş katibi Yens Stoltenberq bildirib ki, alyans da rusiyalı nümayəndələrin sayını 30-dan 20-ə azaldacaq.