ABŞ prezidenti Donald Tramp bu gün Twitter vasitəsilə çox sərt açıqlamalar verib.

Tramp ona qarşı “cadugər ovu” aparıldığını iddia edərək, bir çox yerə yozulacaq tvit paylaşıb. Trampın şəxsi vəkili Maykl Koenin Nyu Yorkdakı ofisinə ABŞ Federal Təhqiqat Bürosu (FBİ) tərəfindən edilən basqında çoxlu sayda sənədə əl qoyulmuşdu.

Tramp ilk tvitində “Vəkil-müvəkkil gizliliyi öldü” deyərkən, ikincisində “Tamamilə bir cadugər ovudur” ifadələrindən istifadə edib. Amerikan mediasındakı xəbərlərə görə, Koenin ofisinə gələn FTB rəsmiləri, əllərindəki axtarış sənədini göstərərək, ofisin hər yerində axtarış aparmışdı. Ofisdəki çoxlu sayda onlayn və çap versiyasında olan sənədi müsadirə edən FTB-nin eyni zamanda Trampla münasibət yaşadığı iddia edilən Stormi Daniels adlı qadına Koenin etdiyi bəlli ödəmə ilə bağlı yazışmaları da götürdüyü qeydə alınıb.

Axtarışdan öncə polisin Rusiya ilə bağlı araşdırmaya rəhbərlik edən özəl səlahiyyətli hakim Robert Müllerdən də tövsiyyə məktubu aldığı, ancaq axtarışın Rusiya araşdırması ilə bağlı birbaşa hər hansı əlaqəsi olmadığı qeyd edilib.

Sözügedən sənədlər arasında Trampla Koen arasında imzalanan bir çox sənəd də yer alıb. Koenin vəkili Stiven Rayan ofisdə aparılan araşdırmanın “tamamən əsassız və lazımsız” olduğunu iddia edib. Rayan deyib ki, müvəkkili Koen Rusiya araşdırması çərçivəsində hal-hazırda xüsusi səlahiyyətli prokuror Müllerin ofisi ilə əməkdaşlıq edir və indiyə qədər çoxlu sayda sənədi zatən istintqa təqdim edib. 

Amerikan cəmiyyətində daha öncə Koenin adı Trampla yasaq münasibət yaşadığı iddia edilən Danielsə susması qarşılığında 130 min dollar ödədiyi ilə bağlı gündəmə gəlmişdi.

Daha öncə mövzu ilə bağlı danışmamağı tərcih edən Tramp ötən həftə sözügedən ödəmə ilə bağlı “məlumatının olmadığını” demişdi.