Pakistan Parlamentinin deputatı, ölkədə ikinci müxalif qüvvə «Ədalət hərəkatı»nın lideri İmran Xan Birləşmiş Ştatların bu ölkədən salfet kimi istifadə etdiyini bildirib.Məlumata görə, buna səbəb ABŞ-ın Pakistanı terrorizmə dəstəkdə ittiham edərək, ölkəyə 2 milyard dollarlıq hərbi yardımı dayandırması olub.

«Düşünürəm ki, bu Pakistana münasibətdə ədalətsizlikdir. Pakistan terrorda daha çox insan itirib: 70000-ə qədər insan həlak olub, çoxlu sayda insan bombaların partlaması nəticəsində əlil qalıb. Bu gün isə  amerikalılar  Pakistanı ittiham edir və ona qarşı sanksiyalar tətbiq edir. Hesab edirəm ki, bu böyük ədalətsizlikdir. ABŞ-ın Əfqanıstandakı uğursuzluğunda Pakistanı ittiham etməsi ağlasığmazdır», - deyə o, bilidirib

Deputatın sözlərinə görə, bunun böyük zərərləri dəyəcək: «Pakistanda təəssüf ki, bu gün iqtisadi vəziyyət o qədər də güclü deyil. Beləliklə Amerika sanksiyaları  daha böyük zərərə səbəb olacaq. Məgər bu ədalətdəndir? ABŞ ölkəni  salfet kağızı kimi istifadə edir və düşünəndə ki, artıq ona lazım deyil, sadəcə tullayır. Hesab edirəm ki, bu çox ədəbsiz davranışdır».

Siyasətçi həmçinin bildirib ki, Əfqanıstanda hərbi yolla sülh əldə etmək mümkün deyil. O, deyib ki, Əfqanıstanda sabitsizlik Pakistana da təsir edir.