ABŞ başda olmaqla koalisiya qüvvələri Deyr əz-Zorda Suriya ordusunun mövqelərinə hava zərbələri endiriblər. Bu barədə SANA hərbi mənbələrə istinadla xəbər verib.

«Əl-Bukemal və Xmeymim arasında hərbi mövqelərimiz koalisiya qüvvələrinin təyyarələri tərəfindən hücuma məruz qalıb. Bu terroristlərin konsentrasiyası zamanı baş verib», - deyə agentliyin mühasibi bildirib.

Bundan əvvəl Livanın «Hizbullah» hərəkatı bəyan etmişdi ki, koalisiyanın  təyyarələri Suriya ordusunun T-2 neft stansiyası ərazində 2 mövqeyinə zərbələr endirib.

Çərşənbə günü Suriyanın xarici işlər nazirinin müavini RİA Novosti-yə bildirmişdi ki, ABŞ başda olmaqla koalisiya qüvvələri neft quyularını bombardman etmək niyyətindədir. Səbəb kimi isə koalisiyanın rəsmi Dəməşqin bu quyulardan istifadə etməsinin qarşısını almağı göstərmişdi.

Onun sözlərinə görə, bir sıra yataqlar müxtəlif qruplaşmalar, o cümlədən Demokratik Suriya Ordusunun nəzarətindədir.

2014-cü ilin avqustundan etibarən ABŞ və müttəfiqləri Suriya və İraqda İŞİD-ə qarşı əməliyyat keçirir. Lakin Suriyada əməliyyatlar rəsmi hökumətin izni olmadan həyata keçirilir. ABŞ başda olmaqla koalisiya qüvvələri mütəmadi olaraq aviazərbələr edirlər, nəticədə mülki vətəndaşlar həlak olur. Koalisiyanın özündə etiraf edirlər ki, Suriya və İraqda bir neçə il ərzində keçirilən aviazərbələrdə azı 900 dinc sakin həlak olub.