16.21 - İordaniyanın baş naziri Hani əl-Mulki mübahisəli vergi qanunvericiliyinə qarşı başlayan xalq etirazlarına dözməyərək istefa verdi.

***

İordaniyada hökumətin apardığı iqtisadi islahatlar əhalinin qəzəbinə səbəb olub.Mayın 31-dən başlayan aksiyalar paytaxt Əmmanda kütləvi iğtişaşlarla nəticələnib.

Nümayişçilər mərkəzi yolları bağlamağa cəhd edərək şinlər yandırıb və hökumətin istefasını tələb ediblər. Polis isə etirazçıları dağıtmaq üçün gözyaşardıcı qaz və dəyənəklərdən istifadə edib.

Narazı kütlə vergilərin artırılması və sərt qənaət tədbirlərinə qarşı çıxırlar.

"Yediot Ahronot" qəzeti yazır ki, İordaniyada kütləvi iğtişaşlarla nəticələnən etiraz aksiyalarının arxasında BƏƏ, Misir, İsrail, Səudiyyə Ərəbistanı və ABŞ dayanır. Rəsmi Əmman mayın 18-i Fələstinlə bağlı Türkiyədə keçirilən fövqəladə iclasda iştirakı və İsrail əleyhinə qətnamə qəbul etməsinə görə cəzalandırılır.