Rusiya prezidenti Vladimir Putin canlı yayımda çıxışı zamanı bəyan edib ki, Ukrayna futbol üzrə Dünya çempionatından istifadə edərək Donbasa hücum edərsə, bu ölkənin dağılması ilə nəticələnəcək

"Əgər bu baş verərsə, zənnimcə, bütövlükdə Ukrayna dövlətçiliyi üçün çox ağır nəticələri olacaq",-deyə Rusiya prezidenti əlavə edib.

Putin həmçinin ümidvar olduğunu bildirib ki, Ukrayna hakimiyyəti bu "təxribat"a yol verməyəcək: "Biz hər iki tanınmamış respublikalara (Donetsk və Luqansk Xalq Respublikalarına) yardım edirik və bundan sonra davam edəcəyik".

***

14:43 Rusiya prezidenti Vladimir Putin hesab edir ki, ölkədə benzinin qiymətinin artırılması yolverilməzdir. FaktXəbər bildirir ki, bu barədə o, ənənəvi canlı yayımda çıxışı zamanı danışıb.

"Hazırda baş verənlər yolverilməzdir, bu, düzgün deyil. Amma etiraf etmək lazımdır ki, bu, yanlış nəticədir, yumşaq desək energetika sahəsində yalnış tənzimləmədir",-deyə Putin əlavə edib.

Onun sözlərinə görə, hökumət büdcənin doldurulması üzrə bəzi vergi tədbirlərin yenidən nəzərdən keçirib və xam neftin ixracını stimullaşdırmağa çıxarılmasına səbəb olan iş manevri edib.

Putin qeyd edib ki, Nazirlər Kabineti vəziyyətin tənzimlənməsi üzrə artıq bir sıra qərarlar verib və qiymətlərin sabitləşdirilməsi üzrə əlavə tədbirlər isə cari ilin payızına qədər qəbul edilməlidir.