Yaponiyada sui-qəsd nəticəsində öldürülən sabiq baş nazir Abe Şinzonun rəsmi dəfn mərasimi hökumətə 249 milyon yen (1,8 milyon dollar) başa gələcək.

Musavat.com xəbər verir ki, 2012-2020-ci illəri əhatə edən vəzifəsi ilə Yaponiyada ən uzun ömür sürən baş nazir ünvanını daşıyan Abeyə iyul ayında edilən sui-qəsdin əks-sədaları hələ də davam edir.

Hökumət sentyabrın 27-də paytaxt Tokioda Abenin rəsmi dəfn mərasimi üçün 249 milyon yen (1,8 milyon dollar) büdcə ayrılmasını təsdiqləyib. 

Mərasimin baha olması ilə bağlı müzakirələr ölkə gündəmini zəbt edib. Tənqiddə əsas odur ki, hökumət xərcləri ödəməməlidir. İkinci Dünya Müharibəsindən bəri Yoshida Şigerunun (1948–1954-cü illər arasında Yaponiyanın baş naziri) dəfn mərasimindən sonra Abenin dəfni ikinci rəsmi dövlət dəfn mərasimi olacaq. Kyodo agentliyinin ümummilli sorğusu göstərib ki, respondentlərin 56 faizi hökumətin dəfn mərasimi təşkil etmək qərarına razı gəlmir.