Avropa ölkələrində böhran Rusiyadan gələn qazın azalması səbəbindən bir neçə qış davam edə bilər.

Musavat.com xəbər verir ki, bu fikri "Shell" Britaniya-Niderland neft-qaz şirkətinin icraçı direktoru Ben van Berden Norveçdə keçirdiyi mətbuat konfransında deyib.

"Ola bilər ki, biz bir neçə qışı çətinliklə keçirək, bu zaman hansısa şəkildə həll yolları tapmalı olacağıq", - deyə Berden bildirib.

Qeyd edək ki, bundan əvvəl Avstriya kansleri Karl Nehammer enerji qiymətlərinin kəskin artması ilə əlaqədar AB ölkələrini elektrik enerjisi tariflərinin məhdudlaşdırılmasıyla bağlı vahid qərar qəbul etməyə çağırıb.

"Biz Avropada elektrik enerjisinin qiymətini Putinin müəyyən etməsinə imkan verməməliyik", - deyə o söyləyib.

Bundan başqa, Bavariya federal əyalətinin baş naziri Markus Söder Almaniyanın hələ də Rusiya qazı üçün əvəzedici tapmadığını bildirib.