“Laçının təslim edilməsində Qarabağ (Rusiya sülhməramlılarının nəzarət etdiyi ərazilərdə qurulan qondarma rejim-red.) Təhlükəsizlik Şurasının katibi Vitali Balasanyanın müəyyən rolu olub.

Musavat.com xarici agentliklərə istinadən xəbər verir ki, bunu jurnalistlərlə görüşündə Ermənistanın Polşadakı keçmiş səfiri, Konstitusiya Məhkəməsi aparatının keçmiş rəhbəri Edqar Qazaryan deyib.
O, Balasanyanın, qondarma “DQR” “prezidenti” Arayik Arutyunyanın yanında departamentə rəhbərlik etdiyini xatırladıb.

“Ona görə də o, Araikdən fərqli mövqe tuta bilməz. Mən bu mövqeyi qəbul etməzdim. Balasanyanın keçmişinə hörmətlə yanaşıram, lakin artıq problemlər görürəm. Fikrimcə, onun Arayiklə əməkdaşlığının heç bir mənası yoxdur”, – deyə Qazaryan bildirib.

Kazaryanın fikrincə, Vitali Balasanyan təşəbbüsü öz əlinə almalı və Arayiki hakimiyyətdən uzaqlaşdırmalıdır.