Türkiyədə dünən gecə FETÖ ilə əlaqədar 1000 nəfərdən çox adam tutulub

Tarix:26-04-2017, 10:59 Baxış Sayı:156

Türkiyə DİN rəhbəri Süleyman Soylu FETÖ ilə əlaqədar dünən gecə keçirilən reydlərlə əlaqədar açıqlama verib: «Bu səhər 81 rayonda reydlərə başlanıb. Hələ də davam edir. Dünən gecədən bəri 72 rayonda 1009 nəfər saxlanılıb».

Onun sözlərinə görə, bu, Türkiyə Cümhuriyyəti dövləti üçün önəmli bir addımdır.

***

Türkiyə polisi dünən gecə FETÖ ilə əlaqədə şübhəlilərin kütləvi həbsini keçirib. FaktXeber-in NTV-yə istinadla məlumatına görə, əksəriyyəti polis əməkdaşları olmaqla 803 nəfər həbs olunub.

Gecə vaxtı başlayan reydlər Türkiyənin 81 əyalətinin 54-də həyata keçirilib. Şübhəlilərin iş yerləri və evlərində axtarıqda 8,5 min polis iştirak edib. Əməliyyatda Regional Təhlükəsizlik İdarələri də iştirak edib və tutulma hadisələrinin Türkiyənin bütün əyalətlərində ola biləcəyi vurğulanıb.

Xatırladaq ki, 2016-cı ilin 15 iyununda Türkiyə Silahlı Qüvvələrinin əsgər və zabit qrupu, həmçinin jandarmeriya dövlət çevrilişinə cəhd edib. Əsas qarşıdurma İstanbul və Ankarada yaşanıb. Qiyamçılardan əlavə, ümumilikdə 246 nəfər həlak olub, 2000-dən çox adam yaralanıb. Qiyamçılar Baş Qərargah rəisi Hulusi Akarı ələ keçirmişdilər və Tayib Ərdoğanı tutmağı planlaşdırmışdılar. Sonda hökumət ölkədə vəziyyəti nəzarətə ala bilib.

Çevriliş cəhdinə görə, hökumət ABŞ-da yaşayan Fətullah Güləni və Türkiyədə fəaliyyət göstərən FETÖ tərəfdaşlarını ittiham etmişdi.

ŞƏRH YAZ