7 ildir dünyanın müxtəlif ölkələrindən gətirilən terrorçuların vasitəsi ilə Suriya hakimiyyətini devirə bilməyən ABŞ, nəhayət özü birbaşa olaraq hərbi müdaxiləyə hazırlaşır.

Bir neçə gündür İordaniyada hücumla bağlı manevr keçirən ABŞ və müttəfiqləri Böyük Yaxın Şərq Layihəsini həyata keçirməklə region və müsəlman ölkələrini tamamilə İsrailin əsarətinə salmaq niyyətindədirlər.

ABŞ çalışır ki, ilkin mərhələdə təkfirçi terrorçuların da dəstəyindən yararlanaraq, Dera, Suveyda və Dəməşq vilayətinin cənubuna hücum etsin. Məhz buna görə, ABŞ və İngiltərədən Suriyanın İordaniya ilə sərhədinə külli miqdarda silah-sursat və hərbi avadanlıqlar gətirilib.

Adıçəkilən hücumda Suriyada terror qruplaşmalarını birbaşa idarə edən İsrail, Səudiyyə Ərəbistanı və İordaniya rejimi xüsusi rola malik olacaqlar.

Rusiya, Türkiyə və İranın Suriyada qarşıdurmaların səngiməsi ilə bağlı imzaladıqları son razılaşma isə, ABŞ-ın vasitəsilə demək olar ki, təsirsiz hala gətirilmiş olacaq. Bu isə Suriyada yenidən qanların axması anlamına gəlir.

Aşağıda görəcəyiniz fotolarda İordaniyada ABŞ-ın təkfirçi terrorçularla birgə təlim düşərgəsində hazırlıq işləri görülməsini göstərir. Digər fotolar isə Hizbullahın pilotsuz təyyarəsi vasitəsilə İordaniyada həmin düşərgələrdən çəkdiyi görüntülərdir.