Ukrayna prezidenti Petro Poroşenkoya məxsus "Roshen" konserninin Rusiyanın Lipetsk şəhərindəki zavodu istehsalatını tamamilə dayandırıb. Bu barədə şirkətin rəsmi internet saytında məlumat gedib.
 
"Bu ay Lipetsk fabrikinin konservasiyası tam başa çatdırılıb. Aprel ayında bütün istehsal xətləri, may ayında soyutma və istilik sistemləri, iyun ayında isə qazanxana və suburaxıcılar dayandırılıb",-deyə bəyanatda deyilir.

Qeyd edək ki, Rusiyanın Federal Vergi Xidməti Lipetsk fabrikinə qarşı 180 milyon rubl, "Roshen"  ticarət evinə qarşı isə 150 milyon rubl dəyərində iddia qaldırb. Lipetsk fabrikinin əmlakının həbsi qərarı Moskvanın Basman Məhkəməsinin qərarı ilə 2017-ci il sentyabrın 13-dək uzadılıb.