Pakistanda Təhrik-e-İnsaf partiyasının əsasını qoyan İmran Xan  Ali Məhkəməyə müraciət edərək, Panama sənədləri ilə bağlı qərarı verməzdən öncə ölkənin baş naziri Navaz Şərifin ölkədən çıxışına qadağa qoymağa çağırıb.

Bu barədə siyasətçi İslamabadda keçirilən mətbuat konfransında bəyan edib.

Onun sözlərinə görə hakim banda Ali Məhkəməyə hücum etməyə hazırlaşır.

«Dünənki mətbuat konfransında onlar  birləşmiş istintaq qrupuna hücum edərək, onların hesabatını qəbul etmədiklərini bildiriblər. Onlar bu sözlərinə görə utanmalıdırlar», - deyə siyasətçi bildirib.

“Onlar birbaşa Ali Məhkəməni hədələyirlər”, - deyə o, hakim partiyanın ünvanına ittihamları səsləndirib.

Panamanın Mossack Fonseca hüquq firmasından sızmış sənədlərə əsasən  Pakistanın  baş naziri və övladları  çirkli pulların yuyulmasında, həmçinin Pakistanın daxili və xaricində  aktivləri gizlətməkdə ittiham olunurlar. Baş Nazirin işi Milli Məhkəməyə göndərilib.

Yeri gəlmişkən qeyd edək ki, Navaz Şərifin  qızı  2006-cı il üçün sənədləri istintaqa verərək atasının  korrupsiya ilə əlaqəsi ilə olmadığını sübut etməyə çalışıb.  Lakin baş nazirin qızı sənədləri saxtalaşdırmaqda şübhəli bilinib. Belə ki, polislərdən, ordudan  və maliyyəçilərdən ibarət ekspertlər bildiriblər ki2006-cı il tarixi ilə qeydiyyatdan keçən sənədlər  Calibri şrifti ilə yazılıb, halbuki bu şriftlər 2007-ci ildə ictimaiyyətə təqdim olunub.

Microsoft kompaniyasının rəsmi nümayəndəsi də  şriftin prezentasiyasının 2007-ci ildə təqdim olunduğun təsdiqləyib. Daşınmaz əmlakla bağlı maxinasiyalarda  və offşor hesablarda təqsirləndirilən Şərif sənədlərin saxtalaşdırılmasında da ittiham oluna bilər.

Qeyd edək 4-cü dəfə seçilən baş nazir 2013-cü ildən hökumət başındadır.