Microsoft” şirkətinin qurucusu, milyarder Bill Qeyts 4,6 milyard dollarlıq ianə edib.

Bu barədə ABŞ-ın Federal Qiymətli Kağızlar üzrə Komissiyasının hesabatında bildirilib.

İnformasiyaya əsasən, amerikalı milyader öz şirkətinin aksiyalarının 5 faizini bağışlayıb. Amma ianəni alan tərəfin adı açıqlanmayıb.

Məlumata görə, bu, 2000-ci ildən sonra milyaderin etdiyi ən böyük məbləğdə ianədir.

Bill Qeytsin bu addımı həyat yoldaşı Melinda ilə birlikdə yaratdığı Xeyriyyə Fondu vasitəsilə atıldığı güman olunur.

Qeyd edək ki, B.Qeytsin var-dövlətinin 84,4 milyard dollar dəyərində olduğu bildirilir.