BMT İranla əldə olunmuş nüvə sazişinin qorunması üçün tərəfləri səy göstərməyə çağırıb. BMT baş katibinin rəsmi nümayəndəsi Stefan Düjarrik bildirib ki, İranla əldə olunan nüvə sazişi ən böyük diplomatik nailiyyətdir və onun qüvvədə qalması üçün səyləri əsirgəməmək lazımdır.

Qeyd edək ki, İran prezidenti Həsən Ruhani dünən ABŞ-ın sanksiyaları genişləndirəcəyi təqdirdə Tehranın nüvə sazişini bir neçə saat ərzində tərk edəcəyini açıqlayıb. İran parlamenti isə ABŞ sanksiyalarına cavab olaraq milli raket proqramının inkişafına 520 milyon dollar ayrılmasını nəzərdə tutan qanun layihəsini təsdiqləyib.