ABŞ 23 avqustdan etibarən bütün Rusiya üzrə qeyri-immiqrasiya vizasının verilməsi prosedurunu dayandırır. Prosedur sentyabrın 1-dən etibarən yalnız Moskvada bərpa ediləcək.

Bu haqda ABŞ-ın Rusiyadakı səfirliyi avqustun 21-də məlumat yayıb. Məlumatda qeyd olunur ki, Rusiya Federasiyası ölkədəki ABŞ diplomatik missiya əməkdaşlarının sayının məhdudlaşdırılması tədbirləri ilə əlaqədar olaraq, 23 avqust 2017-ci ildən etibarən bütün Rusiya üzrə qeyri-immiqrasiya vizalarının verilməsi proseduru dayandırılacaq.

“ABŞ-ın diplomotik missiyasının işçilərinin sayını azaltmaq qərarı Rusiyanın iki tərəfli münasibətləri inkişaf etdirməyə olan ümidləri sual altına salır” – konsulluğun yaydığı bəyanatda qeyd olunur.

Konsulluq qeyd edir ki, viza müsahibələri ləğv olunur. Sənədlərini təqdim edənlərə müsahibənin vaxtı ilə bağlı məlumat veriləcək.

Kreml Moskvadakı ABŞ diplomatik missiyasının sayını kəskin azaltmağa qərar verib, bu addımı ABŞ Rusiyaya yeni sanksiyalar qoyandan sonra atıb.