Prezident Donald Tramp daha üç ölkənin vətəndaşlarının ABŞ-a girişini yasaqlayıb. Novator.az-ın məlumatına görə, dövlət başçısının sentyabrın 24-də imzaladığı fərmanla Venesuela, Şimali Koreya və Çad vətəndaşları qara siyahıya əlavə olunub. Bu ölkələr üçün qadağalar oktyabrın 18-də qüvvəyə minir.

Trampın bu il iyunun sonunda qüvvəyə minmiş fərmanı əsasında İran, Yəmən, Liviya, Suriya, Somali və Sudan vətəndaşlarının ölkəyə girişi 90 gün müddətinə, ümumilikdə qaçqın qəbulu isə 120 gün müddətinə dayandırılıb. ABŞ-da yaşamaq hüququ və ya ikili vətəndaşlığı olan şəxslər, həmçinin onların ailə üzvləri üçün məhdudiyyət yoxdur.

24 sentyabr fərmanı ilə Sudan qadağa siyahısından çıxarılıb.

İran, Yəmən, Liviya, Suriya, Somali, Şimali Koreya və Çad vətəndaşları üçün viza yasağı daha sərtdir. Venesuela üçün qadağa isə yalnız bəzi dövlət məmurlarına və onların ailə üzvlərinə aiddir.