İraqın şimalında Kürdüstan Regional Rəhbərliyinin keçiridyi və bütün dünyanın etirazına səbəb olan referendumun ilkin nəticələri açıqlanıb. 

Açıqlanan rəqəmlərə görə referendumda iştirak kürd rəhbərliyinin gözlədiyi civarda olub. Digər vilayətlərə nisbətən Kərkük və Qaratəpədə isə iştirak daha az olub. 

"Rudav"ın yaydığı məlumatda bildirilir ki, sayılan 282 min 017 səsdən 93.29 faizi "Bəli", 6.71 faizi isə "Xeyr" olub.

Xatırladaq ki, Şimali İraqda seçicilərin sayı 4 milyon 581 min 255 nəfərdir. Onlardan 3 milyon 305 min 925 nəfər seçkidə iştirak edib.