Gürcüstan parlamentinin binası qarşısına tabut qoyulub. Yerli müxalifət ölkə konstitusiyasına düzəlişlərin qəbulundan sonra simvolik olaraq "demokratiyanın dəfn mərasimi"ni təşkil edib.

Müxalifət nümayəndələri yeni qəbul olunan konstitusiyanın ölkəyə müsbət heç nə vəd etmədiyini bildiriblər. 

Qeyd edək ki, dünən Gürcüstan məclisi parlament idarəetmə formasına keçidi nəzərdə tutan yeni Konstitusiyanı üçüncü, yekun oxunuşda qəbul edib. Dəyişikliyə əsasən, ölkədə birbaşa prezident seçkiləri 2024-ci ildən ləğv olunacaq. 300 deputat və yerli hakimiyyət nümayəndələri yeni prezidenti müəyyən edəcək.