Dünən bütün Avropanın diqqəti İspaniyanın Kataloniya əyalətinə yönəlmişdi. Elə sadə insanların da gündəmi bu idi. Bütün təzyiqlərə baxmayaraq, yerli rəhbərlik müstəqillik referendumu keçirdilər və istədiklərini də əldə etdilər. 

Kataloniya hökumətinin rəsmi nümayəndəsi Jordi Turul mərkəz Barselonada jurnalistlər qarşısına çıxaraq nəticələri olan edib:

“2 milyon 20 min 144 nəfər İspaniyadan, yəni səs verənlərin 90%-i ayrılmaq barədə öz qərarını bəyan edib. Bunu yekun nəticə adlandırmaq olar. Seçici fəalliğı ilə bağlı dəqiq məlumat isə daha sonra açıqlanacaq."

Qeyd edək ki, mərkəzi hökumətin basqılarına baxmayaraq keçirilən referendum toqquşmalarla da yadda qalıb. polis seçki məntəqələrində səsvermənin qarşısının alınması üçün tədbirlər görüb. Polislə toqquşmalarda 844 nəfər müxtəlif dərəcəli bədən xəsarət alıb. Rəsmi Madrid seçkilərin nəticələrini tanımadığını elan edib.