Ötən gün İraq ordusu və könüllü qüvvələrinin birgə səyi nəticəsində kürdlərdən geri alınan Kərkük ABŞ-da narahatçılqla qarşılanıb. İraqın ərazi bütövlüyünü dəstəklədiyini və kürdlərin keçirdiyi refendumu tanımadığını elan edən ABŞ rəsmiləri, nədənsə Kərkükün kürdlərin əlindən çıxmasına dolayısı ilə narahatlıqlarını ifadə ediblər.

Senator Con Makkeyn son Kərkük olayları ilə verdiyi açıqlamada bildirib: "ABŞ hərbi texnikanı İraq dövlətinə İŞİD-lə mübarizə və bu ölkə əleyhinə oluna biləcək mümkün xarici hücumun qarşısını almaq üçün verib. Bu baxımdan adıçəkilən silahlar yerli qüvvələrə, o cümlədən ABŞ-ın dəyərli və köhnə (kürd) dostlarına qarşı istifadə olunmamalıdır. Əgər bu kimi rəftarların şahidi olarıqsa, nəticəsi ağır olacaqdır".

Xatırladaq ki, 2014-ci ildə İŞİD terror qruplaşması İraqa hücum etdikdə, kürdlər Kərkükü qorumaq adı ilə vilayətin bir çox hissəsini və Kərkük şəhərinə nəzarəti ələ keçirib. Halbuki Kərkük İraq Kürd Regional Rəhbərliyi ərazsinə aid olmayıb. Odur ki, İraq dövləti Kürd Regional Rəhbərliyindən bu əraziləri yenidən dövlətə təhvil verilməsini istəsə də, yenicə müstəqillik üçün refendum keçirən Məsud Bərzani bununla razılaşmadı.

İraq dövləti separtçıların bu addımına ciddi reaksiya veriləcəyini bildiridi və sonda demək olar ki, qan tökülmədən bu ərazilər geri alındı. Sülh şəraitində geri alınan bu torpaqlara ABŞ senatorunun belə reaksiya verməsi onu göstərir ki, ABŞ kürdlərin bir nömrəli müttəfiqi və himayəçisidir.