Qırğızıstan prezidenti Almazbek Atambayev tələbələrə prezident təqaüdünün verilməsi ilə bağlı keçirilən tədbirdə qazaxıstanlı həmkarı Nursultan Nazarbayev barəsində danışıb. O, bildirib ki, Nazrabayevlə bağlı çıxışında səhvə yol verib. 

Almazbek Atambayev həmçinin deyib ki, Qazaxıstanda prezident ətrafında ABŞ-a bağlı olan oliqarxlar var: "Düşünürəm ki, Nazarbayev bundan heç şübhələnmir. O, hər bir prezident kimi öz ətrafına inanır. Oliqarxlar və milyarderlər Qazaxıstan və Nazarbayevi deyil, öz gələcəyini düşünür. Onların bank hesabları Qərb banklarında yerləşir. Fikrimcə, qazaxıstanlı oliqarxlar ABŞ-ı razı salırlar ki, hakimiyyət dəyişikliyi baş verərkən Özbəkistanda prezident qızı ilə baş verənlər, onların da başına gəlməsin. Yəqin ki, mən prezident Nazarbayev barəsində emosinal çıxış edərkən haqlı olmamışam. O, mənim kimi hər şeyə inanan adamdır və buna görə problemləri çoxdur".