Keçmiş milli təhlükəsizlik naziri Eldar Mahmudov bu gün yenidən Baş Prokurorluğun Ağır Cinayət İşləri üzrəİstintaq İdarəsində ifadə verib çıxarkən şikayətçilərin “hücumuna” məruz qalıb. Bu barədə azadliq.info-ya şikayətçilərdən biri, Sevda Süleymanova məlumat verib. O, bildirib ki,  noyabrın 10-u saat 13:15-də başqa bi şikayətçi Elmidar İsmayılovla birlikdə  istintaqdan çıxan Eldar Mahmudova  yaxınlaşaraq,  ifadə verməyin necə ağır olduğunu ona xatırladiblar. 

Sevda Süleymanova əri Qüvvət Süleymanovun həbsinə görə, Elmdar İsmayılov isəözünün və atasının döyülməsinə görə keçmiş MTN-dən şikayətçidirlər.

Sevda Süleymanova bildirib ki, əsəblərini cilovlaya bilməyib, Eldar Mahmudova aşağılayıcı sözlər də işlədib. Lakin nə keçmiş nazir, də onu müşayət edən sürücüsü vəmühafizəçisi buna reaksiya verib.