“Azadliq” qəzetinin həbsdə olan əməkdaşı Seymur Həzi vəkil Yalçın İmanovun vəkillər kollegiyasından uzaqlaşdırılmasına fikir bildirib. Onun müraciətini Seymur Həzinin vəkili Şəhla Hümbətova paylaşıb:

“Əzizim Yalçın bəy, siz vəkilliyin rəsmi orqanı tərəfindən vəkillikdən uzaqlaşdırılmaqla xalqın həqiqi vəkili olmaq statusunu qazanmısınız, heç bir möhrülü sənəd sizi həqiqi vəkil edə bilməz, əgər sizdə sizi bu addımlara, mübarizəyə sövq edən vicdan və cəsarət olmasa. O vicdan və cəsarət ki, onun yoxluğundan əziyyət çəkənlər sizi hüquq baxımından məhdudlaşdırıblar… Siz mənim vəkilimsiz!”