Rusiyanın Primorsk diyarında göyərtəsində 21 nəfər olan balıqçı gəmisi qəza siqnalı verdikdən sonra yoxa çıxıb.Bu barədə RF  FHN-i xəbər verib.

Bildirilir ki, «Vostok» gəmisinin axtarışının aparıldığı ərazidə  2 xilasetmə jileti, buy, buxta və gəmiyə aid məişət tullantıları tapılıb.

Balıqçı gəmisi  Cənubi Koreyadan Holmsk limanına gedirdi.

Axtarış ərazisində qasırğalı hava şəraiti var: görüntü dəyişkəndir, havanın  temperaturu -16 dərəcən də aşağı, suyun temperaturu +1 dərəcə, dalğanın hündürlüyü isə 3,5 metrə çatır.

Son məlumatlara görə, itkin düşənlər arasında əcnəbilər, o cümlədən 2 azərbaycanlı olub: «Heyətin üzvləri arasında Saxalindən, Primorskdan, Çelyabinskdən, Krasnoyardan, Orenburqdan, Zaparojyadan, Moldaviyadan, Azərbaycandan və Sverdlovskdan adamlar olub».