Azərbaycanın internet provayderlərinin bəzilərinin xidmətində ciddi problem yaranıb.

Azərbaycan İnternet Forumunun rəhbəri Osman Gündüz açıqlamasında deyib ki,  "Azərtelekom backbone"provayderinin qlobal şəbəkəyə bağlantısında yaranan texniki problemlər səbəbindən bu şirkətdən internet alan provayderlərin istifadəçilərinin internet bağlantısında müəyyən problemlər yaranıb:

“Qlobal şəbəkəyə iki provayderlə - “Delta” və “Azərtelekom Backbone” ilə qoşuluruq. “Delta”da problem yoxdur, problem “Azərtelekom Backbone”lə bağlıdır.

Əldə etdiyimiz məlumata görə, "Azərtelekom"da qlobal internet bağlantısı ilə bağlı yaranan problem tam olaraq aradan qaldırılıb. Bu "backbone" provayderdən internet alan provayderlərin internet bağlantısında da hər hansı problem yoxdur”.