Əziz oxucular!

Bu gün sizə gundəndə olan aliqarx məmurlarımızdan biri Ağcabədi Subartezian Quyularının İstismarı İdarəsinə rəis Atamoğlan Babayevin aliqarx səviyyəsinə aparan yolun kiçik tarixçəsindən danışacağıq.

2017-ci ildə Kollegiyada “Aqrolizinq” ASC-nin Ağcabədi Regional Nümayəndəliyinin direktoru vəzifəsindən fəaliyyətində ciddi nöqsanlara yol verdiyinə görə uzaqlaşdırılan Atamoğlan Babayevin yenidən Ağcabədi Subartezian Quyularının İstismarı İdarəsi kimi məsuliyyətli bir müəssisəyə rəis təyin edilməsi çox müəmmalı məsələdir. Çünki “Aqrolizinq” ASC-nin Ağcabədi Regional Nümayəndəliyində aparılan yoxlamalar zamanı gübrələrin saxlanmasında, satışında, vəsaitlərin daxil olmasında, eyni zamanda qısa müddətli lizinqə verilən taxılyığan kombaynların, traktorların və digər kənd təsərrüfatı texnikalarının istifadəsindən vəsaitlərin daxil olmasında külli miqdarda çatışmazlıqlar üzə çıxıb. Bu yoxlamalardan sonra Atamoğlan Babayevlə bağlı Ağcabədi rayon hüquq mühafizə orqanları tərəfindən istintaq başlanıb. Atamoğlan Babayev haqqında dövlətə dəymiş bir milyon manata yaxın zərərin ödənilməsi şərti ilə cəza növü də tətbiq edilib. Maraqlısı budur ki, bu məhkəmə prosesi Atamoğlan Babayevin məsuliyyətə cəlb olunduğu ilk və ya son olay deyil. Ağcabədi rayonundakı mənbəmizin verdiyi məlumata görə Atamoğlan Babayev ayrı-ayrı vəzifələr daşıdığı zaman ən azı üç dəfə hüquqi müstəvidə problemlə üzləşib. Ağçabədi rayonunda bu günə kimi hələ də “Azər Toxum” Məhdud Məsuliyyətli Cəmiyyətinin Atamoğlan Babayevə qarşı qaldırdığı məhkəmə iddiasından danışırlar.

Bir müddət bundan əvvəl Ağcabədi rayon Yuxarı Qiyamadınlı kəndi ərazisində subartezan quyularının təmiri zamanı su borusunu qaldırıcı kran vasitəsilə qaldırarkən boru qaynaq olunmuş hissədən qırılaraq iki nəfərin üzərinə düşmüşdü. Hadisə nəticəsində 1979 - cu il təvəllüdlü, idarənin çilingəri Səfərov Rahib Əhliman oğlu və 1994 - cü il təvəllüdlü kənd sakini Hüseynov Elnur Bakir oğlu ağır bədən xəsarətləri alıblar.

Qeyd edək ki,  bu hadisədən cəmi bir neçə gün qabaq Atamoğlan Babayev Meliorasiya və Su Təsərrüfatı Açıq Səhmdar Cəmiyyətinin sədri tərəfindən ASC-nin yerli qurumu olan Ağcabədi Subartezian Quyularının İstismarı İdarəsinə rəis təyin edib.
Yuxarıda qeyd etdiyimiz bədbəxt hadisə əməyin mühafizəsi və texniki təhlükəsizlik qaydalarına əməl olunmadığının nəticəsi idi. Ağcabədi rayon Prokurorluğunda iki nəfərin ağır yaralanması ilə nəticələnən istehsalat qəzası ilə bağlı araşdırmalara başlanılsa da Atamoğlan Babayev yenə də cəzadan canını qurtara bildi. Ona bu işdə havadarı olan Meliorasiya və Su Təsərrüfatı ASC-də işləyən iki məsul şəxs – Subartezian Quyularının İstismarı İdarələrinin fəaliyyətinə əsas cavabdeh şəxs olan sədr müavini Rafiq Aslanov və Suvarma sistemlərinin istismarı şöbəsinin müdiri Əjdər Cavadov kömək etdilər.

Havadarlarının köməyi ilə AtamoğlanBabayevoliqarxa çevrilib.

Bu gün isə milyonlarla vəsiti mənimsədiyinə görə dəfələrlə məsuliyyətə cəlb edilən Atamoğlan Babayev görəsən ötən bir il ərzində nə qədər pul mənimsəyib.

 İnanırıq ki Atamoğlan Babayev qanunsuz əməllərinə görə cəzalandırılacağı gün elə də uzaqda deyil.

Araşdırmamız davam edir.

Ardı var.

Qarçı tərəfində mövqenidə dərc etməyə hazırıq...