Avropa Məhkəməsi hökumətdən cavab istəyir

“Avropa Məhkəməsi mərhum yazıçı Rafiq Tağının öldürülməsi ilə bağlı şikayət üsrə kommunikasiya başlayıb”- bunu FB profilində vəkil Fariz Namazlı yazıb.
“Şikayəti onun həyat yoldaşı Mayilə Tağıyeva Avropa Məhkəməsinə göndərib. O, Konvensiyanın 2 (yaşamaq hüququ. xüsusən dövlətin bu hüququn qorunmasına yönələn tədbirlər görməsi), 10 (ifadə azadlığı) və 13 (səmərəli müdafiə vasitələri hüququ) maddələrinin pozuntusunun tanınmasını istəyib. Onun hüquqlarını Rəşid Hacılı və Londonda fəaliyyət göstərən hüquqşünaslar Ms R. Remezaite, Mr P. Leach, Ms J. Gavron, Ms J. Evans and Ms K. Levine müdafiə edir.
Ərizəçi həyat yoldaşı Rafiq Tağının öldürülməsi ilə bağlı istintaqın effektiv aparılmamasından şikayətçidir. Avropa Məhkəməsi yuxarıda göstərilən maddələrin pozuntusu ilə bağlı suallardan əlavə, cinayət işi üzrə hökümətin hansı addımlar atması barədə məlumatların verilməsini xahiş edib”- deyə vəkil vurğulayıb.