10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
Samirə Ağayeva: “Absurd qərardır”
Avqustun 21-də paytaxtın Yasamal Rayon Məhkəməsində jurnalist Fərqanə Novruzovanın həmin rayonun prokuroru Rasim Hacıyevə qarşı məhkəmə nəzarəti qaydasında verdiyi şikayətə baxılıb. Jurnalist iddia ərizəsində xahiş edib ki, prokurorun hərəkətsizliyinin qanunsuz sayılması barədə qərar çıxarılsın. Fərqanə Novruzova “hərəkətsizlik” deyərkən, Yasamal rayonunun bu yaxınlarda vəzifəsindən azad edilən icra başçısı İbrahim Mehdiyevin əməlinə hüquqi qiymət verilməməsini nəzərdə tutur.
Prokuror sabiq icra başçısı haqqında tədbir görmək istəmir?
Aprelin 13-də paytaxt sakinləri arasında daha çox “Sovetski” adıyla bilinən ərazidə “Hacı Cavad” məscidi sökülərkən, jurnalist Fərqanə Novruzova hadisə yerində olan icra başçısından sualına cavab almaq istərkən zorakılığa məruz qalıb. Olayın ardınca jurnalist sabiq icra başçısı haqqında CM-in 163-cü (jurnalistlərin qanuni peşə fəaliyyətinə mane olma) maddəsinə əsasən, cinayət işi başlanmasından ötrü Yasamal Rayon Prokurorluğuna üz tutub. Bugünədək nə cinayət işi başlanıb, nə də iddia rədd olunub. Bu üzdən jurnalist rayon prokurorundan məhkəməyə şikayət edib.
Şikayətə hakim Azər Tağıyev baxıb. Şikayət məhkəmə nəzarəti qaydasında verildiyindən, iclas qapalı keçirilib. Məhkəmədə prokurorluğu təmsil edən Dilavər Dilavərli sənəd təqdim edib. Prokuror Rasim Hacıyevin adından məhkəməyə göndərilən sənəddə yazılıb ki, Fərqanə Novruzovanın müraciəti prokurorluqda qeydə alınıb və şikayətin araşdırılması Yasamal rayon prokurorunun köməkçisi Azad Əliyevə həvalə olunub.
Fərqanə Novruzova məhkəmədə aprelin 13-də baş verənləri danışıb və həmin hadisənin əks olunduğu diski hakimə təqdim edib. Jurnalist icra başçısının hərəkətinə hüquqi qiymət verilmədiyini bildirib: “Xahiş edirəm, prokurorun hərəkətsizliyinin qanunsuz sayılmasına dair qərar çıxarasınız”.
Prokurorluğun nümayəndəsi şikayətin hələ araşdırıldığını və buna görə də konkret qərar qəbul edilmədiyini söyləyib və deyib ki, “bu səbəbdən şikayət təmin oluna bilməz”.
Qısa müşavirədən sonra hakim jurnalistin şikayətinin təmin olunmadığını elan edib.
“Absurd qərardır”
Jurnalistin nümayəndəsi Samirə Ağayeva AzadlıqRadiosu-na qərardan apellyasiya şikayəti veriləcəyini bildirib: “Prokurorluğun nümayəndəsi məhkəmədə deyir ki, araşdırma davam edir, məktub təqdim edir. Halbuki, prokurorluğun bizə göndərdiyi iki məktub var. Əslində, bizim şikayətimizdən sonra prokurorluq ya cinayət işinin başlanması, ya da rədd olunması haqda qərar qəbul etməli idi. Əvəzində, bizə iki cümləlik məktub göndərdilər. Yazmışdılar ki, “məsələ ilə əlaqədar məhkəməyə müraciət edə bilərsiniz”. Biz təkrar müraciət göndərdik. Yenə tamamilə eyni cavab gəldi, sadəcə, məktubun nömrəsi və tarixində fərq vardı. Əlimizdə bu cavablar olduğu halda, “araşdırma davam edir” əsası ilə məhkəmənin şikayətimizi təmin etməməsi absurddur. Görünür, bu işlə bağlı heç bir qərar qəbul etmək istəmirlər. Biz də buna imkan vermək niyyətində deyilik”.