10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
«Azadlıq» qəzetinin yayım direktoru Faiq Əmirli yenidən məhkəmə önünə çıxarılıb. Onun 3 il 3 ay azadlıqdan məhrum edilməsinə dair hökmdən verilmiş apellyasiya şikayəti üzrə avqustun 31-də ilkin baxış iclası keçirilib. Şikayətə Bakı Apellyasiya Məhkəməsində Vaqif Mursaqulovun sədrlik etdiyi hakimlər kollegiyası baxır.
İlkin baxış iclasında F.Əmirli həbs olunduğu gündən onun vəkili olan Aqil Layıcovun müdafiəçi kimi iştirakına imkan verilməyib. Hakim deyib ki, Layıcov apellyasiya məhkəməsi üçün ayrıca order verməyib.
Vəkil isə bildirib ki, iş materiallarında onun orderi var və həmin sənəd bütün instansiyalar üçün keçərlidir:
«Sizin tələbinizin hüquqi əsası yoxdur. Qanunda yazılmayıb ki, apellyasiya məhkəməsi üçün ayrıca order verilməlidir».
«İTTİHAMLARIN FAİQ ƏMİRLİYƏ AİDİYYƏTİ YOXDUR»
Digər vəkil Fəxrəddin Mehdiyev ilkin baxış iclasında bir neçə vəsatət qaldırıb. Birinci vəsatət F.Əmirli haqqında həbs-qətimkan tədbirinin dəyişdirilməsi haqda olub. Vəkil deyib ki, F.Əmirli müsbət xarakterizə olunur, ictimai nüfuzu var, ailəlidir, iki övladı, daimi yaşayış yeri var:
«Ən əsası, səhhətində ciddi problemlər var, qaraciyər və öd xəstəliklərindən əziyyət çəkir. Həbsdə saxlanması xroniki xəstəliyi daha da kəskinləşdirib. Son vaxtlar qaraciyər nahiyəsində şişlər əmələ gəlib. Faiq Əmirliyə verilən ittiham da az ağır cinayətlər kateqoriyasına aiddir. O ittihamların da Faiq Əmirliyə aidiyyəti yoxdur. Bu iş sifarişlidir, qərəzlidir. Faiq Əmirli siyasi baxışlarına görə həbs olunub».
İkinci vəsatətində vəkil apellyasiya şikayətinə məhkəmə istintaqı aparılmaqla (şahidlərin dindirilməsi, sübutların araşdırılması) baxılmasını istəyib. Vəkil deyib ki, F.Əmirlinin maşınından özünün iştirak etmədiyi axtarış nəticəsində Fethullah Gülen-ə aid disklər, kitablar tapıldığı iddia olunur. Amma axtarış protokolunda hal şahidi kimi imzası olan adamlar məhkəmədə dindirilməyib, müdafiə tərəfinin bu haqda vəsatəti təmin olunmayıb.
«İttiham aktında yazılıb ki, guya axtarış zamanı təhlükəsizlik xidmətinin əməkdaşları AXCP üzvü Fuad Əhmədlinin evindən Gülen qrupuna aid şəxslərin siyahısını tapıb, orada Faiq Əmirlinin də adı olub. Sonradan Fuada (AXCP fəalı Fuad Əhmədli 4 il azadlıqdan məhrum edilib) Gülen-ə aid ittiham verilmədi, Faiqin işində isə bu məsələ qaldı. Ona görə vəsatət qaldırdıq ki, Fuad Əhmədli dindirilsin, görək belə bir siyahı həqiqətən olubmu? Orada Faiqin adı olubmu? Birinci instansiya məhkəməsi təmin etmədi. Əgər siz Gülen ittihamı ilə bağlı həqiqətən araşdırma aparmaq istəyirsinizsə, bu adamlar mütləq dindirilməlidir», – F.Mehdiyev belə deyib.
TƏKRAR EKSPERTİZA KEÇİRİLSİN
Vəkil həmçinin, «Azadlıq» qəzetinə görə hesablanmış vergi borcu ilə əlaqədar təkrar ekspertiza keçirilməsini istəyib. Deyib ki, istintaq dövründə keçirilmiş ekspertiza qəzetin satış qiymətini tam gəlir kimi götürüb, ona vergi hesablayıb:
«Halbuki, satış qiymətinin 35-40 faizi yayım şirkətlərinə qalır. Qəzetin çap xərcləri var. Bu hal nəzərə alınmayıb».
F.Mehdiyevin sonuncu vəsatəti müdafiə etdiyi şəxsin vəkillərinin yanında əyləşməsinə icazə verilməsi haqda olub. Çünki bu gün F.Əmirli şüşə kabinədə olan mikrofondakı nasazlığa görə oradan çıxarılsa da, əlləri qandallı şəkildə saxlanılıb:
«Müdafiə ilə əlaqədar yanımızda əyləşməsi məqsədəuyğundur. Çünki tez-tez məsləhətləşmək zərurəti yaranır. Birinci instansiya məhkəməsi işin mahiyyəti ilə bağlı vəsatətlərimizi təmin etməsə də, bu vəsatətimizi təmin etmişdi».
Hakimlər qısa müşavirədən sonra vəsatətlərin heç birinin təmin olunmadığını elan edib. Qərara əsasən, şikayətə məhkəmə istintaqı aparılmadan baxılacaq. Məhkəmə baxışı sentyabrın 14-nə təyin olunub.