Daha bir AXCP fəalı hakimiyyətin hədəfindədir. AXCP Gənclər Komitəsinin üzvü Orxan Baxışlı məlumat verir ki, Cəlilabad polisi onu axtarır.

O.Baxışlı əslən Cəlilabad rayonundandır. Lakin o, Bakıda yaşayır. Sentyabrın 7-də Cəlilabaddakı qohumlarından biri zəng vuraraq deyib ki, rayon polis idarəsindən Orxanın harada olduğunu soruşub, onu axtardıqlarını bildiriblər. Səbəbini soruşduqda isə əlavə məlumat vermədən, bu barədə Daxili İşlər Nazirliyindən tapşırıq aldıqlarını deyiblər.

O.Baxışlı güman edir ki, siyasi fəaliyyətinə görə onu həbs etməyə hazırlıq gedir. O, başına bir iş gələcəyi təqdirdə məsuliyyəti siyasi hakimiyyətin daşıyacağını bildirir.