2017-ci ilin iyul ayında Gürcüstanda ÜDM-in artım tempi 3,8% təşkil edib.

Gürcüstanın Milli Statistika İdarəsi xəbər verir ki, 2017-ci ilin ilk yeddi ayı ərzində ÜDM-in artım tempi 4,4%-ə çatıb.

Ötən ayın digər iqtisadi göstəricilərinə gəlincə, aylıq inflyasiya 6% olub. İstehlak qiymətləri isə iyun ayı ilə müqayisədə 0,9% aşağı düşüb.

Yanvar-iyul aylarında xarici ticarət dövriyyəsi ötən illə müqayisədə 13% artıb.

İyul ayında Gürcüstanda 3890 müəssisə qeydiyyatdan keçib ki, bu da ötən illə müqayisədə 7,1% çoxdur.

Dövlət büdcəsinin gəlirləri 832,5 mln. lari, xərcləri isə 783,3 mln. lari təşkil edib.