ABŞ prezidenti Donald Tramp rusiyalı həmkarı Vladimir Putindən qorxur. Bu barədə Mərkəzi Kəşfiyyat İdarəsinin (MKİ) keçmiş rəhbəri Con Brennam CNN-ə müsahibəsində deyib.

Onun fikrincə, ASİƏ (Asiya-Sakit okean iqtisadi əməkdaşlığı) sammitində görüş zamanı Putin Trampa nisbətdə daha inamlı görünürdü: "Düşünürəm ki, Tramp hansısa səbəbdən, ya Putin tərəfindən hədələndiyi üçün, ya da onun nəsə edə biləcəyindən çəkindiyi üçün ondan qorxur".

Qeyd edək ki, Federal Təhqiqatlar Bürosu (FTB) və ABŞ Konqresi Rusiyanın Birləşmiş Ştatlarda keçirilən seçki prosesinə mümkün müdaxiləsini və Trampın Moskva ilə əlaqələrini araşdırır.