Türkiyə prezidenti Rəcəb Tayyib Ərdoğan dünən Soçi şəhərində rusiyalı həmkarı Vladimir Putinlə görüş keçirib. Yüksək səviyyəli görüş zamanı mürəkkəb mövzulara toxunulsa da, onların detalları ictimaiyyətə açıqlanmayıb. 

Qeyd edək ki, görüşdən əvvəl ABŞ və Rusiya qoşunlarının Suriyadan çıxarılması əsas prioritet mövzu idi. Mətbuat konfransında çıxışı zamanı Vladimir Putin bildirib ki, Rusiyanın Suriyada mövcudluğu stabilliyin yaranmasına şərait yaradır. 

Prezidentlərin görüşü zamanı Qarabağ münaqişəsinə dair danışıqlar aparılması gözlənilsə də, mətbuat konfransı zamanı liderlər bu barədə heç bir açıqlama verməyib.