Alpinistlərlə bağlı yaşanan faciə məcbur etdi ki, bu “İlham zirvəsini” bir az araşdırım. İndi artıq bilirsiniz ki, alpinistlər İlham Əliyevin ad günü münasibətilə həmin zirvəyə yürüş zamanı itkin düşüblər.

Deməli, hələ 2008-ci ildə Şahdağ dağ massivində hündürlüyü 4042 metr olan adsız zirvəyə İlham Əliyevin adını veriblərmiş. Öz əllərində deyil? İstəyiblər və adı da veriblər. Hər il də ad günündə zirvəni ziyarət edirlərmiş ki, İlham Əliyevin könlü xoş olsun. Ənənəni 2009-cu ildə Eldar Mahmudovun MTN-ni yaradıbmış.

Ondan sonra da alpinistlər, MTN-nin, Sərhəd Qoşunlarının, Ekologiya vəTəbii Ehtiyatlar Nazirliyinin, hətta Gömrük Komitəsinin əməkdaşları ilbəil dekabrın 24-də “İlham zirvəsinə” dırmanırlarmış. İndi mənə maraqlı gəlir ki, ilin ən soyuq, tufanlı günlərində bu qədər insanın həyatına risk bahasına bu hündür və təhlükəli zirvəyə dırmanması İlham Əliyevə nə qazandırırdı?

Bu risk nədən ötrü edilirdi? Bu mənasız avantüraya İlham Əliyev niyə etiraz etmirdi? Bəs məmurlara deyirdi ki, təvəzökarlığı ondan öyrənsinlər.

Yazı AXCP sədri Əli Kərimlinin feysbuk səhifəsindən götürülb.