Qazax Rayon Məhkəməsində hakim Ağarza Səmədovun sədrliyi ilə AXCP sədrinin müavini Gözəl Bayramlının məhkəməsi davam etdirilib.

Məhkəmə 18:00-da qərarını açıqlayıb. Qərara əsasən, Gözəl Bayramlı 3 il müddətinə azadlıqdan məhrum edilib.

***

Məhkəmə istintaqı yekunlaşdı və hakim ittiham və müdafiə tərəfinə çıxış üçün söz verib.

Dövlət ittihamçısı Gözəl Bayramlıya 4 il iş iştəyib.

Vəkil müdafiə çıxışı edərək Gözəl Bayramlının gühansız olduğunu göstərən sənədlərdən çıxarışları səsləndirildi.

Daha sonra G.Bayramlıya son söz verildi. O çıxışında ittihamları qəbul etmədiyini, əsassız ittihamlarla və siyasi sifarişlə həbs olunduğunu bildirdi. Hakim bir neçə dəfə G.Bayramlının sözünü kəsərək mahiyyəti üzrə danışmağı təklif etdi. G.Bayramlı isə işin mahiyyətinin siyasi olduğunu və ittihamları qəbul etmədiyini dedi: “Mənim özümü müdafiə etməyə ehtiyacım yoxdur. Azərbaycan xalqı məni də, ölkədən 150 milyard dollar oğurlayan ölkə rəhbərliyini də yaxşı tanıyır. Bizim 100 illik demokratik Cümhuriyyət ənənəmiz var və inanıram ki, Azərbaycan xalqı öz layiq olduğu hakimiyyəti formalaşdıracaq”.

Hakim G.Bayramlının sözünü kəsərək fasilə elan etdi.

Hökm saat 17.30-da oxunacaq.