Rusiya prezidentliyinə namizədlərin yeni reytinqi açıqlanıb.Ümumrusiya İctimai Rəyi Öyrənmə Mərkəzinin keçirdiyi sorğuda müstəqil namizəd, prezident Vladimir Putin önə çıxıb. Respondentlərin 69,1%-i ona səs vermək niyyətində olduğunu bəyan edib.

Prezident seçkisi martın 18-də keçiriləcək.

Vladimir Putin 2000-2008-ci illərdə prezident olub. 2008-ci ildən baş nazir postunu tutub. 2012-ci ildə yenidən prezident seçilib.

18 mart 2018-ci il seçkisində yer alan digər namizədlər Ümumrusiya İctimai Rəyi Öyrənmə Mərkəzinin sorğusunda belə sıralanıb:

Pavel Qrudinin, Kommunist Partiyası – 7,8%

Vladimir Jirinovski, Liberal Demokrat Partiyası – 5,9%

Kseniya Sobçak, Vətəndaş Platforması Partiyası – 1,6%

Qriqori Yavlinski, “Yabloko” Partiyası – 0,9%

Boris Titov, Yüksəliş Partiyası və Sergey Baburin, Rusiya Ümumxalq İttifaqı Partiyası – 0,3%

Maksim Suraykin, Rusiya Kommunistləri Partiyası – 0,1%.