23 Noyabr 2017-ci il tarixdə Bakı şəhər sakini Qafarov Pünhan Mehman oğlu Almaniya Federativ Respublikasından qayidan zaman Bakı Beynəlxalq Havalimanında Dövlət Sərhəd Xidmətinin əməkdaşları tərəfindən saxlanılmış, daha sonra isə AR Baş Mütəşəkkil Cinayətkarlıqla Mübarizə İdarəsinin Əməkdaşları tərəfindən qanunsuz şəkildə həbs edilərək qeyd edilən idarəyə aparılmışdır. Bu barədə xəbər agentliyimizə müsahibə verən saxlanılan Qafarov Pünhanın atası Qafarov Mehman məlumat vermişdir. Tutulan şəxsin atası Qafarov Mehman verdiyi məlumata əsasən oğlunun saxlanılmasından 10 gündən artıq müddət keçməsinə baxmayaraq oğlu ilə görüşə bilmədiyini, hətta  vəkili ilə belə görüşməsinə şərait yaradılmadığını, hətta oğlunun həyatda olub-olmaması ilə bağlı heç bir məlumat verilmədiyini bildirmişdir.

Bu hadisələrə səbəb kimi isə atası Qafarov Mehman  bildirmişdir ki, 2016-cı ildə  Qafarov Pünhan Mehman oğlu siyasi fəaliyyətinə və fikirlərinə görə dəfələrlə Bakı şəhərində Polis təqibinə və zorakılığına məruz qalmış, bunun nəticəsində oğlu Almaniya Federativ Respublikasına gedərək siyasi Sığınacaq tələbi irəli sürmüşdür. Almaniya höküməti isə oğlunun müraciətini “Əsassız” hesab edərək müraciətdən imtina etmiş və Qafarov Pünhanı haqsız olaraq departasiya etmişdir. Atası oğluna AR qayıtmaması barədə dəfələrlə xəbərdarlıq etdiyini, lakin Qafarov Pünhanın başqa heç bir seçimi olmadığını qeyd etmişdir.   

Həbsdə olan Qafarov Pünhanın atasına AR Baş Mütəşəkkil Cinayətkarlıqla Mübarizə İdarəsinin (Bandotdel) özünü təqdim etməyən mayor rütbəli məmuru tərəfindən bildirmişdir ki, Qafarov Pünhan xarici ölkədə siyasi sığınacaq tələb etdiyi üçün saxlanılmışdır və həmin məmur belə şəxslər barədə məlumatların artıq onlarda olduğunu bildirmişdir. Atası oğluna görə çox narahat olduqlarını və onun həbsdə hansı işgəncələrə məruz qalması barədə təsəvvür belə etmək istəmədiyini bildirmişdir. Xatırladaq ki, Azərbaycanın cinayətkar diktatura hakimiyyəti xarici ölkədə sığınacaq tələb etmiş və ölkəyə qayıtmaq məcburiyyətində qalmış çoxsaylı insanlara qarşı etdiyi amansız təzyiq və işgəncələrlə birdaha sübut edir ki, Azərbaycanda hansısa söz və ya fikir azadlığından söhbət belə gedə bilməz.