Avropa Şurası Parlament Assambleyasının (AŞPA) sabiq prezidenti Pedro Aqramunt korrupsiyada ittiham olunur. O, nüfuzunu xilas etmək üçün müstəqil araşdırma aparıb və öyrənib ki, Avropa hakimiyyət orqanlarında amerikalı milyarder Corc Sorusun nəzarətində olan şəbəkə fəaliyyət göstərir.Avropalı siyasətçi araşdırmasının nəticəsini "Sputnik" agentliyi ilə bölüşüb.
 
Pedro Aqramunt 2017-ci ilin oktyabr ayında AŞPA-nın prezidenti vəzifəsindən istefa verib. Buna səbəb isə onun Suriyaya səfər etməsi olub. O, istefasından yarım il əvvəl, mart ayında Belçika, İtaliya, Serbiya və Çexiyadan olan parlamentarilər və Dumanın deputatları ilə birgə Rusiyanın Suriyadakı "Hmeymim" hərbi bazasında olub, həmçinin Suriya prezidenti Bəşər Əsədlə görüşüb. Avropalı siyasətçi bu səfərindən sonra korrupsiyada ittiham olunub və istefaya göndərilib.

AŞPA-nın sabiq prezidentinə qarşı əsas ittihamçılardan biri özünü müstəqil mərkəz kimi təqdim edən "Avropa Sabitliyinin Təşəbbüsü"nün (ESI, European Stability Initiative) direktoru Cerald Knaus olub. Knausun rəhbərlik etdiyi mərkəzin maliyyə xərclərini isə amerikalı milyarder Corc Sorosa məxsus "Açıq Cəmiyyət" Yardım Fondu (FPOS Promote To an Open Society Foundation) qarşılayır.