AXCP sədri Əli Kərimli öz Facebook səhifəsində belə bir müqaisəli paylaşım etdi:

"Yaxından baxdığı üçün İlham Əliyevin nələr etdiyini və hara getdiyini dəqiq görə bilməyənlər Venesuela prezidenti Maduroya uzaqdan baxsınlar. Uzaqdan daha aydın görünür bütün baş verənlər. Maduro da dünyanın neftlə ən zingin ölkəsinə rəhbərlik edirdi. Xalqına deyil, xarici havadarlarına güvənirdi. Ölkəni aclıq və səfalət həddinə gətirib, xalqın 90 faizini özünə qarşı birləşdirib. 5 ildir ki, Venesuela xalqı meydanlardadır. Bu yolda yüzlərlə insan həyatını qurban verib. Dünən Maduro Kubaya qaçmaq istəyərkən Rusiyadan gələn bir zəng onun fikrini dəyişib. Ondan tələb olunub ki, xalqına qarşı sona qədər dirənsin, qan tökməkdən çəkinməsin. Maduronun zəbt etdiyi kürsüdən rədd ediləcəyi gün kimi aydındır. Proses uzansa da, Venesuela xalqı qərarını verib. Tədricәn olsa da, hərbçilər də xalqın tərəfinə keçir. Ancaq xarici qüvvələr öz geopolitik maraqlarına görə ona oyundan çıxmağa imkan vermirlər. Ondan sona qədər öz maraqları üçün istifadə edirlər. Maduro da xalqına qarşı törətdiyi cinayətləri artırmaqla özünə faciəli bir sonluq hazırlayır. Cəzası ağır olacaq. 
Xalqına deyil, ölkə daxilində əmr qullarına, vicdansız cəlladlara, xaricdə avtoritar rejimlərə arxalanan hər bir dövlət başçısı bu acı sonluğu bir gün dadacaq.