10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
9 ildir nə kompensasiya verilir, nə də qaraj
Ataxəlil Süleyman oğlu Həkimov uzun illər BMT-nin Qaçqınlar Üzrə Ali Komissarlığında menecer işləyib. İndi təqaüdçüdür. Redaksiyaya yolladığı şikayətin məktubunda illərdir həll olunmayan problemindən yazır:
“1989-cu ildə, Bakının Nərimanov rayonu, Maqsud Əlizadə küçəsi, ev 136, mənzil 34-də (indiki Ə.Əbdürəhimov küçəsi) özünə 2 otaqlı, 40 kv.metr ərazisi olan mənzil aldım. Yaşadığımız bina Prezident İqamətgahının qarşısında aparılan abadlıq işləri ilə əlaqədar söküldü. Bundan sonra həmən binada yaşayan ailələrə, həmçinin bizə də, elə adı saxlanılmaqla yeni bina tikilərək təhvil verildi. Yaşadığımız köhnə binanın yaxınlığında mənə və başqa 27 şəxsə məxsus qeyri-yaşayış sahəsi – qaraj (2010-cu ildə Nazirlər Kabinetinin 10 mart 2000-ci il, 40 nömrəli Qərarı, Bakı Şəhər İcra Hakimiyyəti Başçısının Aparatı, Mənzil Kommunal Təsərrüfatı Departamenti, İstismar Yığımı 54-Q-131 saylı Müqaviləsi ilə – Bakı şəhəri, Ə.Əbdülrəhimov küçəsi, ev 132-nin həyətində yerləşən, mənə verilmiş 18 kv.metr ərazisi olan)söküldü. Həmən vaxt mənə bildirildi ki, sökülən qarajın yerləşdiyi ərazi əvəzinə yaxın müddətdə elə həmən ölçüdə yeni sahə veriləcək…
O çağdan 9 ildən çox vaxt keçir…
Bu məsələ ilə əlaqədar dəfələrlə Nərimanov Rayon İcra Hakimiyyətinə rəsmi və şifahi müraciətlər etmişəm. Hər dəfə müraciətimə baxılacağı bildirilib. Lakin bu məsələ hələ də öz həllini tapmayıb. Hətta Nərimanov Rayon İcra Hakimiyyətinə son rəsmi müraciətindən sonra, Nərimanov Rayon MKTB-dən, rəis E.Həşimovun imzası ilə, 26.10.2018-ci il tarixli, 71-48 saylı bildirişdə mənə – “Nərimanov RİH-dən həmən müəssisəyə daxil olmuş 22.10.2018-ci il tarixli, H-124-150 saylı məktubla, yaşadıqları binanın həyətyanı sahəsində istifadəsində olmuş və 2010-cu ildə sökülmüş qaraj yerinin yenisilə əvəz olunması və ya kompensasiya ödənilməsi üçün tapşırıq verildiyi bildirildi. Lakin elə həmin bildirişdə – mövcud Qanunvericiliyə görə, Bakı şəhərinin Baş Planına uyğun olaraq, Dövlət əhəmiyyətli və eləcədə digər işlər aparılacağı zaman tikinti zonasına düşən müvəqqəti qurğular heç bir kompensasiya ödənilmədən sökülə biləcəyi, bütün qarajların müvəqqəti qurğu hesab edildiyi və bu səbəbdən mənə heç bir kömək göstərilməyəcəyi izah edildi… 2010-cu ildə qarajları, zirzəmi və yarımzirzəmiləri sökülən 27 şəxsin bir çoxu torpaq sahəsi və ya onun əvəzində maddi kompensasiya ilə təmin edilib. Amma mənim bu məsələ ilə əlaqədar problemim hələ də həll olunmayıb”.
Maraqlıdır ki, Nərimanov Rayon MKTB-dən, rəis E.Həşimovun imzası ilə, 26.10.2018-ci il tarixli, 71-48 saylı bildirişdə Həkimova edilən izahlardan fərqli olaraq – onunla Nərimanov Rayon MKTB arasında imzalanmış və 31.12.2025-ci ilədək qüvvədə olan – 2010-cu ildə, Nazirlər Kabinetinin 10 mart 2000-ci il, 40 nömrəli Qərarı, Bakı Şəhəri İcra Hakimiyyəti Başçısının Aparatı, Mənzil Kommunal Təsərrüfatı Departamenti, İstismar Yığımı 54-Q-131 saylı Müqaviləsində, həmin vaxt rəsmi şəkildə ona verilmiş qarajın “müvəqqəti qurğu olması” barədə heç bir qeyd yoxdur və ona həmin dövrdə Qanunvericiliyə əsasən: istənilən vaxt söküləcəyi izah edilməyib…
Ataxəlil Həkimovun sözlərinə görə, həmən ərazini almaq üçün müvafiq dövrə uyğun minimum əmək haqqından kifayət qədər yüksək sayılacaq vəsait xərcləyib. Həmçinin, ondan fərqli olaraq, qaraj və zirzəmiləri sökülən, Prezident Aparatı və digər yuxarı instansiyalarda çalışan qonşularının bəziləri sökülən ərazinin əvəzində kompensasiya və ya torpaq sahəsi ilə təmin edilib…