Jurnalist Əvəz Zeynallının hüquqlarının müdafiə komitəsinin məlumatı

Bu gün Azərbaycan Respublikasının Dövlət Təhlükəsizliyi Xidmətinin İstintaq Təcridxanasında saxlanılan jurnalist Əvəz Zeynallı övladı Selcan Zeynallı ilə görüşüb. 

Əvəz Zeynallı saxlanma şəraiti ilə bağlı şikayətlərini çatdırıb. Bildirib ki, onun həyat yoldaşı ilə görüşünə hələ icazə verilmir, eyni zamanda ailə üzvləri ilə telefon danışıqları hüququ olsa da, bu günə qədər bu hüquq təmin edilməyib. Eyni zamanda öz sağlamlığı ilə bağlı ciddi problemlər yaranmasını, xüsusilə görmə qabiliyyətində ciddi zəifləmə olmasını bildirib. 

Əvəz Zeynallı övladına ona qarşı açılmış cinayət işinin qondarma ittihamlarla açıldığını, müxtəlif şəxslərə təzyiqlər yolu ilə ona qarşı saxta ifadələr verilməsini bildirib və bu cinayət işinə ən qısa zamanda xitam verilməsinə çağırış edib.