G-20 ölkәlәrinin görüşü üçün Hamburqa getmәyә hazırlaşan Türkiyә prezidenti Rәcәb Tayyib Әrdoğanın Almaniyadakı Türkiyә vәtәndaşları önündәki çıxışı tәdbiri ilә bağlı Almaniya hökumәtindәn daha bir açıqlama gәlib.

Almaniyanın xarici işlәr nazirliyinin sözcüsü Martin Şefir verdiyi açıqlamada bildirib ki, “bir daha qeyd edirәm, bu tip tәdbirlәr üçün öncәdәn Xarici İşlәr Nazirliyinә müraciәt etmәk lazım idi.”
Sözcü baş konsulluqda edilәcәk çıxışın daha sonra video mesaj formasında tәdbirlәrdә yayımlanmasının da qadağan olduğunu bildirib.

Qeyd edәk ki, Almaniya hökumәti Әrdoğanın Almaniyada yaşayan türklәr qarşısındakı çıxış tәlәbini rәdd etmişdi. Almaniya xarici işlәr naziri Qabriel Siqmar da belә bir tәdbirin Türkiyә ilә aralarında yaşanan gәrginliklәrdәn dolayı doğru olmadığını bildirmişdi.