ABŞ-ın eks-prezidenti Barak Obama siyasi hәyatını sonlandırmasına baxmayaraq baş verәn böyük hadisәlәrdәn sonra diqqәt mәrkәzindә olmağa davam edir. Charlottesvilledә baş verәn zorakılıq hadisәlәrindәn sonra eks prezident Obamanın yazdığı tvit 2-ci dәfә byәnmә rekordu qırıb.

Daha әvvәl Mançesterdәki vә Londondakı terror hadisәlәrindәn sonra fikir bildirәn Obama, ABŞ-ın Charlottesville bölgәsindә baş verәn zorakılıq hadisәlәrindәn sonra tvitter hesabından Nelson Mandelanın sözlәrini paylaşıb.

Obamanın üç hissә olaraq ayrı-ayrı paylaşdığı tvitlәrdә “heç kim doğuşdan, başqa bir insanın dәri rәngi, geçmişi vә ya dini üzündәn ondan nifrәt etmәz. İnsanların nifrәti öyrәnmәsi lazımdır. Vә әgәr onlara nifrәt öyrәdilirsә, sevgi dә öyrәdilә bilәr. Çünki sevgi insan qәlbinә nifrәtlә müqayisәdә çox daha tәbii gәlir” fikirlәri yer alıb.

Obamanın bu tviti 1,2 milyon dәfә yenidәn paylaşılıb, 3 milyon tvitter istifadәçisi isә bu tviti bәyәnib. Bu tvitter tarixinin әn çox bәyәnilәn tviti olub. Obamadan әvvәl ABŞ-lı müğәnni Ariana Grandenin Mançesterdәki konsertә edilәn terror hücumu zamanı paylaşdığı tvit әn çox bәyәnilәn tvit idi.